Në pamundësi për të ndjekur nga afër koncertin e idolit të saj, Alban Skënderaj befason fansen me lidhje direkte nga skena

Këngëtari i njohur Alban Skënderaj ka mbajtur për tre ditë me radhë koncertin recital më të rëndësishëm të jetës së tij.

Ky koncert është mbajtur në Pallatin e Kongreseve në Tiranë, dhe pjesë e tij kanë qenë shumë emra të njohur, miq, familjarë si dhe shumë fansa të këngëtarit.

Duke qenë shumë i lidhur me adhuruesit e muzikës së tij, Albani është munduar që t’i plotësojë dëshirën secilit prej tyre.

Një prej fanseve të tij më të mëdha, duket të jetë një vajzë e quajtur Sidorela, nga Gramshi, e cila nuk ka mundur të ndjekë nga afër koncertin madhështor të idolit të saj.

Megjithatë, këngëtari Skënderaj ishte kujdesur që gjatë kohës sa ndodhej në skenë, të lidhje direkt me “Skype”, për t’i transmetuar asaj interpretimin e këngës “Dhurata”, dhe emocionet e skenës.

Albani ka publikuar një fotografi nga ky moment në rrjetin social Instagram, teksa në mbishkrim e saj ka treguar për këtë ngjarje interesante gjatë koncertit.

“Besoj e mbani mend Sidorelen, vajzen plote kurajo dhe energji nga Gramshi! Ne pamundesi per te qene prezente vendosim t’i benim nje surprize te vogel drejteperdrejte nga koncerti ne menyre qe te ndiqte live kengen e saj te preferur “Dhurata“” (sic.), ka shkruar Alban Skënderaj në Instagram.

I njëjti vazhdon të mbetet ndër kantautorët më të pëlqyer në të gjithë trevat shqiptare. /Telegrafi/

https://www.instagram.com/p/Bf_R3_vHBdS