Në moshën 26 vjeçare, Lucas Hernandez po e konsideron pensionimin nga futbolli

Lucas Hernandez është duke e menduar pensionimin nga futbolli, pas lëndimit të pësuar në Kampionatin Botëror, raporton L’Equipe.

Mbrojtësi i Francës çau ligamentin e kryqëzuar anterior në gjurin e tij të djathtë gjatë fitores 4-1 të kampionëve në fuqi ndaj Australisë në Grupin D.

Hernandez, i cili luan për gjigantët e Bundesligës, Bayern Munich, doli nga fusha duke çaluar pasi qëndroi i shtrirë në bari për disa minuta duke mbajtur gjurin e tij pasi u godit me top nga Mathew Leckie, i cili dha asistimit për golin hapës të Craig Goodwin për Australinë.

Lojtari 26-vjeçar ka kryer me sukses operimin e tij në gju, por që mediumi francez bën të ditur se lojtari është duke e konsideruar pensionimin.

Shpeshherë kur lojtarët lëndohen në ligamentet e gjurit, sidomos në atë kryesor si ky i Hernandez, atëherë karriera e tyre thuhet se ka përfunduar.

Andaj, mbetet të shihet në ditët e ardhshme nëse mbrojtësi do të pensionohet apo do të vazhdojë të luajë. /Telegrafi/

🗞️ « La marche nordique » : la une de L'Équipe du samedi 26 novembre 2022.

Lire l'édition : https://t.co/J8E2xTP6Js pic.twitter.com/15xgYGqjju

— L'ÉQUIPE (@lequipe) November 26, 2022