Në mes të ditës dy burra në Londër ecin lakuriq nëpër qytet – njëri prej tyre shkelmon një çiklist për tokë

Një çiklist në Londër i cili u godit nga burrat lakuriq në mes të ditës ka thënë se ai mendonte se autorët mund të kishin qenë “terroristë”.

Sipas medieve të huaja, përcjell Telegrafi, dy burra të zhveshur u kapën në video duke sulmuar një çiklist në mes të ditës në një rrugë të zënë në Londër, pasi ishin shëtitur nga një stacion nëntokësor.

Në një seri ngjarjes të çuditshme, burrat u panë duke u largua nga stacioni i metrosë Elephant & Castle, rreth orës 14:00 të enjten – njëri kishte të brendshme derisa tjetri ishte lakuriq.

Ata kalojnë në semaforë para se ai me të brendshme kërcen me vrap ndaj një çiklisti duke e rrëzuar këtë të fundit në tokë.

Një dëshmitar tjetër ka raportuar gjithashtu se i kishte parë burrat që ecnin drejt rreth-rrotullimit të Elephant & Castle, ku arrestuan nga policia.

Policia Metropolitane ende nuk iu është përgjigjur një kërkese për detaje mbi incidentin.

Mbetet ende e paqartë nëse droga, një ritual inicimi, një shaka apo një lloj projekti arti qëndron pas incidentit. /Telegrafi/