Ndotja e ajrit, shkaktari kryesor i “vdekjeve të heshtura”

Ndotja e ajrit është rreziku më i madh ambiental për shëndetin publik në Evropë, por qeveritë po dështojnë në trajtimin siç duhet të krizës.

Sipas një raporti të Gjykatës së Auditimit të Bashkimit Evropian, limitet e ndotjes së ajrit në Evropë janë më të ulëta sesa ato të parcaktuara në standardet e Organizatës Botërore të Shëndetësisë, e pjesa më e madhe e vendeve të BE-së nuk i përmbahen asnjërit prej tyre.

Ajri toksik vret rreth 400 mijë evropianë para kohe çdo vit. Në auditin e saj, gjykata e BE-së kërkon standardizimin e ligjeve evropiane për cilësinë e ajrit me ato të OBSH-së, që janë të paktën dy herë më të larta për pjesëzat “PM2.5” dhe “PM10” dhe 6 herë më strikte për dioksidin e sulfurit “SO2”.

Ekspertët e BB-së thonë se shkalla e vdekjeve të heshtura – siç i quajnë ata, – nga ajri i helmuar është i papranueshëm.

“Ne – thonë ata, – kemi një krizë shëndeti në Evropë për shkak të ndotjes së ajrit. Më shumë se 1.000 vdekje të parakohshme çdo ditë regjistrohen në BE për shkak të ndotjes. Audituesit këshillojnë një rishikim të politikave evropiane dhe përshpejtim të procedurave të referimit në gjykatë të rasteve të shkeljeve”. /tch/