Ndihmë e rëndësishme në kërkim-shpëtim: Me këtë pajisje do të shihni edhe në errësirë

Leupold LTO-Tracker 2 HD i përket një gjenerate të re të pajisjeve vëzhguese ditë-natë, të cilat regjistrojnë energjinë termike

Të shohësh në errësirë është avantazh. Teknologjitë e reja na mundësojnë këtë, ndërsa aparatet tashme janë me dimensione plotësisht të përshtatshme dhe me një autonomi të mirë të baterive.

Imazhi termik ka avantazhe të caktuara në krahasim me teknikën e përhapur me përforcues të dritës, ndaj kohëve të fundit është gjithnjë e më i kërkuar. Sidomos, pasi përdoret gjithnjë e më shumë në kërkim të skiatorëve, njerëzve që dalin në piknikë, çiklistëve, alpinistëve të humbur, transmeton Telegrafi.

Gjetja e shpejtë e njerëzve të humbur në kushte të dimrit, në mjegull apo furtunë ka rëndësi jetësore, ndërsa imazhi termik është aparat i cili lehtë vendoset në dorë, është bërë pjesë e obligueshme e pajisjes së çdo rojtari të parqeve kombëtare, rojeve ose pjesëtarëve të GSS-së.

Leupold LTO Tracker 2 HD është modern, kompakt dhe i lehtë me performaca të mira, të cilat mund të përdoren për vëzhgim, por me montim adekuat, gjuetarët mund ta vendosin para nishanit optik. Kështu e shndërron në nishan nate (megjithëse me një gamë mjaft të kufizuar).

Kutia e aluminit është e gjatë 14 cm, aparati është i rëndë më pak se 200 gramë me baterinë CR 123 dhe autonomi prej 3 orësh pune. Zmadhimi është 7 herë dhe një figurë njerëzore ose një kafshë me madhësinë e një dreri mund të identifikohet në një distancë deri në 650 metra.

Leupold me pajisjet tjera elektronike, në SHBA shitet rreth 900 dollarë, në varësi të shitësit me pakicë.

/Telegrafi/