Ndërron jetë foshnja 1 vjeçe në Shkup, babai akuzon mjekët që e neglizhuan rastin
Një foshnjë e gjinisë femërore 14 muajshe ka ndërruar jetë herët në mëngjes sot në Klinikën për sëmundje të fëmijëve në Qendrën klinike “Nënë Tereza” në Shkup.
Siç bëjnë të ditur burime që punojnë në Klinikë, foshnjës disa herë i është refuzuar shtrimi në spital, edhe pse prindërit e kanë dërguar në spital vazhdimisht.
Prindërit, duke parë se iu refuzua trajtimi spitalor, e dërguan në Klinikën e Kozles, nga ku gjendja e foshnjes u përkeqësua dhe vetëm më pas u shtrua në reanimacionin e Klinikës së Fëmijëve.
Këtë për “Slloboden Peçat”, përveç disa punonjësve, e ka konfirmuar edhe babai i vajzës së ndjerë, R.S.
Ai tha për se ka një video incizim të një mjeku, të cilin e ka incizuar mbrëmë në Klinikën e Fëmijëve, në të cilën e pyet mjekun nëse fëmija i tij mund të shpëtohej nëse do të ishte shtruar në kohë në spital, ndërsa mjeku i ka dhënë përgjigje pohuese.
Babai ka qenë jashtëzakonisht i mërzitur dhe siç na ka treguar vetë, mëngjesin e sotëm ka thyer kompjuterin me kokë në Klinikën e Fëmijëve, pas së cilës ka ardhur edhe policia. Sipas fjalëve të tij, ai ka gjetur mirëkuptim nga punonjësit e policisë, pasi edhe ata kanë pyetur pse foshnja nuk është shtruar në kohë në spital.
Në një bisedë telefonike babai shtoi se trupi i foshnjës është dorëzuar për autopsi dhe se do të ndjekë penalisht përgjegjësit e kësaj tragjedie. Burime nga klinika jozyrtarisht thonë se foshnja është pranuar me takikardi të rëndë, me saturim 70 për qind apo pengesa në frymëmarrje, dhe diagnoza e dhënë ishte bronkit, pra bronkopneumoni masive.
– E kemi çuar tri herë në Klinikën e Fëmijëve, gjatë gjithë kohës na kanë thënë, dërgoje në shtëpi, dërgoje në shtëpi, dërgoje në shtëpi. Më pas nga Kozle, ku më kanë mbajtur vajzën, e kanë transferuar në Klinikën e Fëmijëve për shtrim. Sot në mëngjes rreth orës pesë nuk kanë thënë se çfarë po ndodh, nuk kanë dhënë asnjë informacion. Vetëm shoh se është e ndjerë. Me vëllanë ishim tre ditë aty, gjatë gjithë kohës na thanë që është mirë dhe çojeni në shtëpi, nuk ka nevojë ta mbajmë këtu. Unë kam një incizim të mjekut ku e pyes nëse e kishit mbajtur fëmijën tim këtu, do të kishte shpëtim për të dhe ku thotë: “Shpëtim kishte, por nuk u pranua”. Policia ka qenë sot në mëngjes, se kam thyer kompjuterin me kokë në stres të plotë, çfarë presin, të sjellin lule?, tha babai i vajzës së ndjerë 14 muajshe, R.S.
Ai shton se kur të përfundojë autopsia do të nisë procedurat ligjore.
Drejtori i Klinikës Dr. Rexhep Memedi i pyetur nëse janë të sakta informacionet se mjekët e reparteve të tjera të spitalit janë në shërbim në reanimacion, me specialitete të ndryshme dhe nëse kanë trajnim të mjaftueshëm për intubacion dhe procedurat më komplekse për të shpëtuar jetën e fëmijëve, Memedi tha se ka qenë kështu për 20 vjet dhe vazhdimisht kujdes intensiv ishin mjekët e departamenteve të tjera.
“Për këtë pjesë, që i referohet organizimit të brendshëm, vendosin drejtuesit e departamenteve. Mjekët nuk i kam në shërbim në reanimacion, njëzet vjet më parë kanë qenë në shërbim nga repartet tjera”, tha doktor Memedi.
Ministria e Punëve të Brendshme dha detaje për ngjarjen .
“Sot, më 05.10.2024, SPB Shkup ka raportuar se rreth orës 04:50 në Klinikën e Fëmijëve në Qendrën Klinike Nënë Tereza, V.S. (29) nga fshati Goshincë dhe vëllai i tij B.S. (35) nga fshati Goshincë, ka dëmtuar inventarin në spital pasi vajza njëvjeçare e V.S. e cila sipas raportit është sjellë në spital nga Shërbimi i Urgjencës Mjekësore rreth orës 03:45. Po merren masa për zbardhjen e ngjarjes”, shpjegoi MPB.
Promo
Reklamo këtuLufta Prigozhin - Putin
Më shumëNga Rubrika
Toshkovski: Instalojmë kamera rrugore për sigurinë e qytetarëve, shifrat e aksidenteve janë shqetësuese
Kurti kërkon nga Perëndimi t’i ndërpriten ndihmat Serbisë dhe kthimin e zonës së sigurisë kufitare
Kurti tha se liberalizimi i vizave nuk e ka rritur migrimin, reagon Haradinaj
Osmani publikon fotografi nga darka e organizuar nga Macroni për krerët e shteteve të Frankofonisë
Rashiq: Pres që ndalesa për importin e mallrave nga Serbia të hiqet
Vujanoviq: Paqja dhe stabiliteti i rajonit të sigurohet nga vet shtetet e Ballkanit Perëndimor
Rrahje mes disa personave në Prishtinë, lëndohen dy prej tyre
Kurti: Mbështetjen masive që po e gëzon kjo Qeveri do të tentojnë ta minimizojnë me fushata shpifëse
Kurti: Liberalizimi i vizave nuk e ka rritur migrimin
104.5m² komfort – Banesë luksoze me pamje tërheqëse për zyret e juaja
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Atletet e famshme Reebook vijnë me zbritje t’hatashme
Kreativiteti i fëmijëve tuaj fillon me këtë tabelë të zezë nga Vitorja – Përfitoni 20% zbritje ekskluzive
A don me u dok si zotni këtë sezon të dasmave?
Kompletoje look-un me 50% zbritje
Rahatoj kamt’ qysh është ma s’miri këtë verë
Më të lexuarat
Cili vend i BE-së ka më shumë njerëz që mësojnë shumë gjuhë?
Rrëfimi i dy paraguajanëve që mahniten me sakrificën e familjes Jashari kur vizitojnë Prekazin
Ronaldo u cilësua 'i paturpshëm' nga fansat për atë që postoi në YouTube momente pasi Messi fitoi trofeun me Inter Miamin
Detaje se si Michael Schumacher komunikon me familjarët pas 'paraqitjes së parë publike' në 11 vjet
Pamje rrëqethëse, filmohet momenti kur rrufeja godet shëtitoren në Tivar
Gjatë një sulmi ajror, ushtria izraelite godet depon ruse në bazën ushtarake në Siri