Ndalimi në kufij i shtetasve të Kosovës nga Serbia, Kurti: Shteti serb po hakmerret ndaj civilëve – po mbahen arbitrarisht edhe fëmijët, të privuar nga ushqimi

Kryeministri i vendit, Albin Kurti ka reaguar sot pasi Serbia ka ndaluar autobusë dhe vetura me shtetas të Kosovë në pikëkalimet kufitare me Kroacinë dhe Hungarinë, një ditë pasi Asambleja Parlamentare i dha dritën jeshile Kosovës për anëtarësim në Këshill të Evropës.

Kryeministri Kurti në një postim në Twitter shkruan se Serbia po hakmerret kundër civilëve të Kosovës dhe se mbi 300 qytetarë, duke përfshirë edhe fëmijë po mbahen arbitrarisht në kufi të privuar nga ushqimi.

Lexo po ashtu Qytetarët e Kosovës po ndalohen edhe në kufirin serb me Hungarinë, MPJD: Hakmarrje e paralajmëruar nga Vuçiqi, e kemi njoftuar QUINT-in dhe BE-në

“Një ditë pasi Asambleja Parlamentare e Këshillit të Evropës votoi në favor të anëtarësimit të Kosovës, Serbia hakmerret kundër civilëve të Kosovës… Që nga mëngjesi i sotëm, mbi 300 qytetarë tanë, përfshirë fëmijët janë mbajtur arbitrarisht në kufi, janë privuar nga ushqimi dhe mjekimi. Një shkelje e rëndë e të drejtave të njeriut!”, shkruan Kurti. /Telegrafi/

A day after @PACE_News voted in favor of ?? membership in @coe, Serbia retaliates against ?? civilians. Since this morning, over 300 of our citizens—incl. children—have been arbitrarily detained at the border, deprived of food & medication. A gross violation of human rights!

— Albin Kurti (@albinkurti) April 17, 2024