Napoli kritikon mediat dhe agjentët e Kvaratskhelias për bisedimet rreth rinovimit të kontratës

Napoli i quajti shpifje raportimet rreth negociatave për zgjatjen e kontratës së Khvicha Kvaratskhelia, duke fajësuar mediat që kanë “agjentët e lojtarit si burimin e tyre të vetëm”.

Kampionët e Serie A lëshuan një deklaratë mjaft agresive në Twitter të martën në lidhje me zgjatjen e mundshme të kontratës së gjeorgjianit.

“Duke pasur agjentin e lojtarit si burimin e vetëm, disa media vazhdojnë të raportojnë negociatat e supozuara për zgjatjen e kontratës së Kvaratskhelias”, thuhet në reagimin e Napolit.

Lexo po ashtu Lista me 20 lojtarë: Renditen favoritët e Topit të Artë për vitin 2023

“Është shpifje. Askush nga Napoli, Mauro Meluso, Maurizio Micheli, Aurelio de Laurentiis apo Andrea Chiavelli, nuk e ka diskutuar ndonjëherë zgjatjen e mundshme të kontratës së lojtarit (kontrata e të cilit skadon pas katër vitesh)”.

Ylli gjeorgjian iu bashkua Napolit për rreth 10 milionë euro në vitin 2022 dhe frymëzoi sezonin e tyre fitues të titullit në Serie A në sezonin 2022-2023 me 12 gola dhe 13 asistime në 34 ndeshje të ligës.

22-vjeçari aktualisht fiton rreth 1.2 milionë euro në Stadio Maradona dhe mediat italiane kishin raportuar se Napoli do t’i ofronte atij një pagë të re afër 3-4 milionë euro. Megjithatë, ky nuk duket të jetë rasti pasi Partenopei kanë konfirmuar se ata kurrë nuk kanë diskutuar një marrëveshje të re të mundshme me përfaqësuesit e gjeorgjianit.

Kvara kishte humbur ndeshjen e parë të Serie A të 2023-24 kundër Frosinone për shkak të probleme me muskuj, por dha një asist për kapitenin Giovanni Di Lorenzo në fitoren 2-0 ndaj Sassuolos. /Telegrafi/

Alcuni media continuano a raccontare, avendo come unica fonte gli agenti del calciatore, di presunte trattative in corso per il rinnovo di Kvaratskhelia. Si tratta di “cazzate”. Nessuno del Napoli ha mai parlato del possibile rinnovo del calciatore (il cui contratto scade tra 4…

— Official SSC Napoli (@sscnapoli) September 5, 2023