Mura e dashuruar pas lojës së tij, Daku e sheh si opsionin më të mirë

Mura ka njoftuar se ka arritur marrëveshje me Mirlind Dakun për të vazhduar qëndrimin e tij edhe më tej në skuadër.

Sulmuesi shqiptar ishte i huazuar për gjashtë muaj te skuadra sllovene nga Osijeku, por tani e ka zgjatur atë edhe për një sezon.

“Bardhezi kemi një sulmues “të ri”. Mirlind Daku, i cili tashmë ka luajtur me Muran nga Osijeku si i huazuar në pjesën pranverore të kampionatit, po rikthehet te Fazanerija. Për Mura, Daku shënoi pesë gola në gjashtëmbëdhjetë ndeshje dhe kontribuoi me pesë asistime”.

Lexo po ashtu Të gjitha lajmet nga Mirlind Daku

“Ditët e fundit janë zhvilluar bisedime me Osijekun dhe dy klubet kanë rënë dakord për të zgjatur marrëveshjen e huazimit edhe për një vit shtesë. Në të njëjtën kohë, klubi siguroi edhe mundësinë e blerjes së kartonit të Dakut pas përfundimit të sezonit”, thuhet në njoftimin e tyre.

Në anën tjetër, Daku është shprehur shumë i lumtur që do të vazhdojë qëndrimin edhe për një edicion te Mura.

“Jam i lumtur që jam rikthyer te Fazanteri. Mura ka qenë gjithmonë opsioni i vetëm për mua, edhe pse ka pasur shumë oferta të tjera”.

“U ndjeva mirë këtu, u dashurova me klubin dhe tifozët, kështu që jam shumë i lumtur që mund të vazhdoj të luaj në ngjyrat bardh e zi”, potencoi ai. /Telegrafi/