Motoçiklisti që i preku frenat kolegut, Romano Fenati tërhiqet nga motoçiklizmi

Romano Fenati, motoçiklisti i cili ia preku frenat kolegut Stefano Manzi derisa po lëviznin me shpejtësi të madhe gjatë garës San Marino Moto2, është tërhequr nga motoçiklizmi.

Fatmirësisht, kundërshtari tij nuk e humbi kontrollin dhe vazhdoi ta ngiste motoçikletën, përkundër reagimit të papritur nga rivali.

https://www.youtube.com/watch?v=Eq-1-75cOSA

“Nuk do të garoj më kurrë. Bota e motorëve nuk më përket më, ka shumë padrejtësi. Pranoj që gabova dhe u kërkoj falje të gjithëve”, janë fjalët e Fenatit për gazetën La Reppublica.

Lexo po ashtu Pengoi kundërshtarin duke ia tërhequr frenin, derisa lëviznin me mbi 200 kilometra në orë (Video)

Pasi u përjashtua nga gara dhe u dënua me dy gara të tjera pezullim, skuadra e tij aktuale i prishi kontratën, ndërsa ekipi i tij i ardhshëm njoftoi se nuk do ta merrte në gjirin e tij një pilot të tillë.

😠 Kicking
😡 Turning bikes off
🤬 Arguing

Let's just say Romano Fenati has history…#SanMarinoGP pic.twitter.com/8Md1SDgCPI

— MotoGP on TNT Sports (@motogpontnt) September 9, 2018

Pas gjithë këtyre ngjarjeve, Fenati vendosi të tërhiqej nga motoçiklizmi, transmeton Top Channel.

“Shikoni kostumin dhe kaskën time. Kanë shenjat e gomës së Manzit. Më sulmoi tri herë dhe mund të më kishte vrarë”.

“Prandaj vendosa të sillesha në të njëjtën mënyrë dhe t’i tregoja që edhe unë mund të bëhesha i keq. Por, në asnjë moment nuk doja ta lëndoja, betohem”, e ka shpjeguar 22-vjeçari veprimin e tij.