“Morëm informacione nga Qëndrim Zyba, Drita ka bërë diçka historike deri tani” – trajneri i Legias flet për ndeshjen

Trajneri i Legia Varshavës, Goncalo Feio, ka folur para mediave para ndeshjes kundër Dritës, duke konfirmuar se ka marr informacionet për klubin tonë edhe nga Qëndrim Zyba.

Legia dhe Drita luajnë të enjten nga ora 18:00 në Varshavë. Është ndeshja e parë e play-offit të Ligës së Konferencës.

Mesfushori Qëndrim Zyba qëndroi shkurt te skuadra polake, Legia, por duket se ka ruajtur relacionet me klubin polak, pasi tani është pjesë e Slovan Liberec në Çeki.

“Nëse dikush pret një shëtitje, ju them menjëherë se nuk do të ndodhë. Vitet e fundit, Drita ishte në gjendje të barazonte me Feyenoordin dhe Victoria Pilzin. Kjo flet vetë. Sigurisht që luajmë në shtëpi. Ne duam të fitojmë dhe të jemi shumë më afër grupeve nga kjo ndeshje. Megjithatë, do të doja që ne ta tregonim atë në fushë, jo në konferenca”.

“Analiza ishte e njëjtë si gjithmonë. Ne kontaktuam njerëz që e njohin mirë kundërshtarin. Ish-lojtari ynë, Qëndrim Zyba, na ka dhënë shumë këshilla. Po kështu Jurgen Celhaka. Ne po përgatitemi për këtë ndeshje në mënyrë të ngjashme me ndeshjen kundër Broendby”, deklaroi trajneri portugez.

Feio shtoi se Drita ka arritur diçka historike dhe njihet për lojën e fortë.

Lexo po ashtu Legia Varshava është kundërshtari përballë Dritës – luhet për grupe, 3 milionë euro dhe lavdi  

“Drita tashmë ka bërë diçka historike. Është hera e hera e parë kanë arritur deri këtu në raundet kualifikuese. Ata kanë mundësinë e një jete përpara tyre. Ekipet nga ky rajon janë agresive. Presim presion të lartë dhe sulm të fortë ndaj kundërshtarit. E dimë që skuadra e Dritës do të luajë në mënyrë agresive dhe me shumë vendosmëri. Ne duhet ta kundërshtojmë këtë”, deklaroi Fei.

Drita kishte luajtur kundër Legias më 24 shtator të vitit 2020, ku polakët kishin fituar me rezultat 2-0 në ndeshjen e raundit të tretë të Ligës së Evropës. /Telegrafi/