Cristiano Ronaldo doli jashtë fushës në fund të ndeshjes kualifikuese të Portugalisë për Kupën e Botës “Katar 2022” kundër Serbisë.
Portugalia nuk ka arritur të mbajë epërsinë prej dy gola dhe ka barazuar në udhëtim te Serbia me rezultat 2-2 në ndeshjen e Grupit A.
Megjithatë, mysafirët portugez mund ta fitonin lojën në minutat shtesë sikurse gjyqtarët të ishin më të vëmendshëm.
Ronaldo ishte i saktë duke quar topin brenda portës në minutat shtesë, por ky gol nuk u pranua nga gjyqtarët me pretendimin se topi nuk kaloi vijën fatale.
Ky mos-pranim i golit e tërboi Ronaldon, i cili pas reagimeve të tij u ndëshkua me karton të verdhë nga gjyqtari kryesor.
Sulmuesi i Juventusit ishte i bindur se goditja e tij kishte kapërcyer kufirin e portës dhe goli do të pranohej për rezultat 3-2.
Sidoqoftë, për shkak të faktit se nuk kishte asnjë teknologji të vijës së golit ose VAR, goli nuk u pranua dhe Portugalisë iu mohuan dy pikë të vlefshme.
Ky rast po komentohet shumë në rrjetet sociale duke bërë bujë të madhe. /Telegrafi/
