Modeli i preferuar i fustanit të Kate Moss për të dalë në publik

Duket mrekullueshëm dhe mund të vishet në tapetin e kuq ose në një klub

Kate Moss tregon vazhdimisht me çdo dalje të saj publike se ajo është vërtet një ikonë e modës.

Pavarësisht nëse ajo është në një shëtitje të rastësishme pa grim apo në tapetin e kuq, stili i saj i përsosur është i dukshëm pothuajse në çdo situatë.

Kështu ndodhi edhe kur ajo vizitoi festën e bukurisë së sipërmarrëses Charlotte Tilbury në Paris, ylli i së cilës ishte, por jo vetëm për arsye mode.

49-vjeçarja Kate u shfaq me një fustan të gjatë të zi me prerje të thjeshtë dhe të drejtë që i binte lirshëm mbi trupin e saj, i cili binte në sy vetëm me mëngë interesante prej tyli, transmeton Telegrafi.

Ky material transparent është i dekoruar me aplikime me lule dhe zirkon që shtojnë një prekje magjepsëse.

Fustanit i shtoi sandale të zeza me taka marramendëse dhe një platformë, ndërsa në duar mbante një çantë që ka shumë yje argjendi të bëra me zirkon argjendi në sfond të zi.

E vetëm pak ditë më parë ajo ka veshur një fustan të ngjashëm me material edhe më transparent në ngjyrë bezhë me mëngë treçerekëshe dhe jakë, ndërsa të gjithë stilin e ka ngritur me sandale me platformë të artë që janë marka e saj dhe një çantë të zbukuruar me zirkon.

Kate Moss i qëndron ende besnike frizurës së saj të gjatë dhe fijeve të bukura, grimit që thekson sytë me teknikën “smokey eye” dhe buzëkuqit nudo.

Ju pëlqen ky lloj fustani dhe jeni dakord që është perfekt për raste të ndryshme? /Telegrafi/