Misteri i qytetit të vogël në Ohio, që po ndjell frikë deri në palcë tek qytetarët

Gjatë dy viteve në qytetin e vogël Chicilot në Ohio, është raportuar zhdukja e gjashtë femrave, kurse ajo çfarë ka ndodhur me ato ende nuk është zbuluar.

Ndërkohë është zbuluar se katër femra janë vrarë, kurse dy tjera vazhdojnë të konsiderohen si të zhdukura, transmeton Telegrafi.

Tre trupa janë gjetur në lumenj dhe kanale lokale, kurse femra e katërt është vrarë nga arma e zjarrit.

Familjet e tyre ende nuk kanë ndonjë informacion, në lidhje me atë se kush dhe pse i rrëmbyer dhe vrarë.

“Dëshirojmë të dimë se çfarë ka ndodhur dhe pse vrasësi i ka vrarë këto gra, duke i rrëmbyer fillimisht nga familjet e tyre. Motra ime ka një vajzë 6-vjeçe që do të rritet pa nënën e saj. Personat përgjegjës për këtë ende lëvizin lirshëm, dhe kjo nuk është e drejtë. Ne duam përgjigje”, ka deklaruar Jessica Sair, motra e të cilës është vrarë.

Femrat e zhdukura janë të moshës 20 deri në 37 vjet, njëra prej tyre është zeshkane kurse tjerat bionde dhe shumica prej tyre ishin nëna të dikujt.

Ajo çfarë i lidhë të zhdukurat, është fakti se që të gjitha kanë përdorur drogë dhe kanë njohur të njëjtit njerëz.

Tamika Lynch (30) nënë e tre fëmijëve dhe Charlotte Trego (27) nënë e dy fëmijëve, janë zhdukur në të njëjtën ditë më 3 maj të vitit 2014. Trupi i Lynch është gjetur tri javë pas zhdukjes në një kanal, kurse shkaku i vdekjes ende nuk është përcaktuar. Ndërkaq, Trego konsiderohet ende si e zhdukur.

Gjashtë muaj më vonë është zhdukur 37-vjeçarja Vanda Lemons, e cila ende kërkohet nga autoritetet e sigurisë.

Pas saj, në dhjetor është zhdukur shtatzëna Shasta Hummler (20). Trupi i saj është gjetur dhjetë ditë më vonë në një lumë.

Në maj të vitit të kaluar është zhdukur edhe Tiffany Sair (26), kurse derisa ka zgjatur procesi i kërkimit të trupit të saj, është gjetur trupi i 38-vjeqares Timberly Klaytor, me disa plagë në trup të shkaktuar nga arma me të cilën është vrarë.

Klaytor ishte nënë e pesë fëmijëve.

Edhe pse deri më tani nuk është zbuluar shumë rreth zhdukjes së tyre, policia nuk hedhë poshtë mundësinë që kjo mund të jetë vepër e ndonjë vrasësi serik. /Telegrafi/