Miqtë dhe familja e Tata Martinos kritikojnë Meksikën: Ata mendojnë se janë më të mirë sesa që janë vërtetë

Gerardo Tata Martino aktualisht është i fokusuar për të ndihmuar Meksikën të paraqitet më mirë në Kupën e Botës “Katar 2022”.

Pas barazimit ndaj Polonisë, meksikanët do të kenë shumë për të luajtur në një ndeshje të vështirë kundër Argjentinës, e cila ka shumë nevojë për një fitore.

Megjithatë, përkundër faktit se ata nuk kanë pasur një fillim të keq në Katar deri më tani, stili i stërvitjes së Tata Martinos ka qenë gjithmonë në pikëpyetje në Meksikë, veçanërisht që nga kriza e vitit 2020.

Gjithçka rrjedh nga humbja e dy finaleve radhazi kundër ShBA-ve në vitin 2021 në Ligën e Kombeve CONCACAF dhe Kupën e Artë, diçka që tifozët e Meksikës as nuk e kanë falur dhe as nuk e kanë harruar.

Rrethi i ngushtë i Tatës duket se nuk i kupton sulmet e shumta ndaj argjentinasit. Mediumi TUDN ka kontaktuar me njerëz të afërt me trajnerin për të marrë mendimin e tyre dhe përgjigjet nuk do t’u pëlqejnë meksikanëve.

“Ai u sulmua shumë padrejtësisht. Shumë. Përveç kësaj, unë kam jetuar në shoqërinë meksikane të futbollit dhe ata mendojnë se janë në vitet e tyre të bukura”.

“Shumë kohë përpara se Tata të merrte drejtimin, Kanadaja dhe Shtetet e Bashkuara i kishin tejkaluar ata”.

“Ata mendojnë se kanë shumë më tepër se sa kanë në të vërtetë”, thuhen të kenë thën disa miq dhe familjar të trajnerit. /Telegrafi/