Andres Iniesta ka zhvilluar 'El Clasicon' e fundit ndaj Real Madridit me fanellën e Barcelonës.
Barcelona dhe Real Madridi kanë barazuar me rezultat 2-2 në El Clasicon e dytë të sezonit 2017/18.
Edhe kjo klasike si çdo tjetër dhuroi gola, kartonë të shumtë, kacafytje, emocione dhe gjithçka tjetër.
Njëri nga emocionet më të mëdha ishte ai i Iniestas, i cili zhvilloi 'El Clasicon' e fundit me fanellën e Barcelonës.
Mesfushori spanjoll ka vendosur të largohet nga Barcelona 22 viteve të kaluara në klub, teksa e ardhmja e tij thuhet se do të jetë në Kinë.
Ramos dhe Iniesta janë miq të mirë te Spanja (Getty Images)
Iniesta ka vendosur ta bëjë një gjest të madh në El Clasicon e fundit, duke vendosur t'ia dhurojë fanellën e tij mikut nga Reali, Sergio Ramosit.
Ky gjest i 33-vjeçarit e ka bërë shumë të lumtur kapitenin e Realit, i cili e ka falënderuar
"Përtej asaj që ndodhi në fushë, nata e fundit do të mbahet mend si El Clasico e Iniestas. Ju do të më mungoni, miku im", ka shkruar Ramos në postimin e tij me fanellën e Iniestas. /Telegrafi/
