Mino Riola flet për situatën e Donnarummas dhe De Ligtit

Agjenti Mino Raiola komentoi situatën e portierit Gianluigi Donnarumma në Paris Saint-Germain, të ardhmen e Matthijs de Ligt në Juventus dhe me kënaqësi merr ‘fajin’ për transferimet e lira.

Riola foli me gazetarët italianë duke thënë se “ëndrrat janë falas” kur u pyet për transferimin e mundshëm të Pogbas nga Manchester Unitedi në Juventus.

Ai komentoi gjithashtu situatën e italianit Donnarumma te PSG, ku ish-ylli i Milanit aktualisht po konkurron për një vend titullari me Keylor Navas.

Portieri 22-vjeçar pranoi se kjo e ‘shqetëson’ atë, por Raiola pretendoi se i riu duhet të jetë ‘durues’.

Lexo po ashtu “Me shqetëson”, Donnarumma flet për konkurrencën e tij me Navasin

“Nuk e di nëse është bërë problem. Mendoj se të gjithë e dinë se si do të përfundojë kjo histori”, ka thënë fillimisht Raiola për Tuttomercatoweb.

“Do të dalë mirë për Gianluigin. Duhet pak durim, e kuptoj që ai po jeton një moment që nuk e ka jetuar më parë. Por do të zgjidhet vetëm me dialog, pak nga pak”.

TMW – Futuro alla Juventus per De Ligt? Raiola: “Intervista da fare a maggio, non a novembre” https://t.co/bhGySNWrBl

— TUTTOmercatoWEB (@TuttoMercatoWeb) November 17, 2021

Juventusi pritet të takohet me Raiolan për të diskutuar një zgjatje të mundshme të kontratës së qendërmbrojtësit holandez De Ligt dhe Raiola i largoi pyetjet rreth 22-vjeçarit.

“Kjo intervistë duhet të bëhet në maj. Jemi në nëntor… tani, një intervistë si kjo nuk është e mirë”.

Lexo po ashtu Agjenti i De Ligt është në bisedime me Chelsean dhe Manchester Cityn

Klubet italiane po luftojnë me lojtarët që nuk janë të gatshëm të zgjasin marrëveshjet e tyre me klubet dhe kështu të kalojnë në transferime të lira kur skadon kontrata.

Raiola tha se ai me kënaqësi do të mbajë fajin në emër të klientëve të tij.

“Funksioni ynë është gjithashtu të marrim fajin. Nuk kam nevojë të jem shenjtor, ata që janë të zgjuar, bëjnë konsideratat e tyre”, përfundoi agjenti i njohur. /Telegrafi/