Ministria e Inovacionit dhe Ndërmarrësisë mbështet Qendrën e Inovacionit të UP-së

Ministria e Inovacionit dhe Ndërmarrësisë dhe Universiteti “Hasan Prishtina” kanë nënshkruar të mërkurën Memoramdum Bashkëpunimin për financimin e projektit “Qendra e Inovacionit dhe Ndërmarrësisë në UP”, nënshkrimi është bërë nga ministri Besim Beqaj dhe rektori i Marjan Demaj.

Me këtë rast ministri Beqaj ka deklaruar se kjo Qendra do të shërbejë për lidhjen e dijes e shkencës me ekonominë dhe do t’ju shërbejë profesorëve, studentëve dhe të rinjve që kanë nevojë për aftësim profesional.

“Që nga themlimi i Ministrisë synim i yni ka qenë që universiteti të bëhet me një qendër për inovacon dhe ndërmarrësi, e cila do t’iu mundësonte studentëve dhe profesorëve të punojnë bashkë me ekonominë, ku profesorët dhe studentët do të kenë mundësi t’i trajtojnë problemet e sektorit privat”, theksoi ministri Beqaj.

Ai ka thënë po ashtu se Mininistria e Inovacionit dhe Ndërmarrësisë në bazë të marrëveshjes do të financojë me rreth 800 mijë euro meremetimin e dhe paisjen e Qendrës, që gjendet në hapësirët e Fakultetit të Inxhinierisë Mekanike.

Ndërsa, rektori Marjan Dema ka folur për rëndësinë e Qendrës për universitetin në kuadër të reformave që po bëhen.

“Qendra do të jetë një urë lidhëse e cila do të ofrojë trajnime të ndryshme, lidhjen e njohurive të të rinjve me biznesin. Do të shërbejë që të krijojmë studentë inovativ dhe kreativ. Jemi të interesuar që ta bëjmë atë transformimin e studentit, që të mos pret punë nga qeveria por nga vetja”, tha rektori Demaj.

Memorandumi për projektin “Qendra e Inovacionit dhe Ndërmarrësisë në UP” ka vlerë rreth 800 mijë euro, mjete këto të ndara nga Ministria e Inovacionit dhe Ndërmarrësisë më qëllim të meremetimin dhe pisjes së hapësirës së destinuar për këtë Qendër. /Telegrafi/