Milani i shpreh ngushëllime familjes Ismaili dhe Young Boys për vdekjen e Florijanës

Trupi i pajetë i futbollistes shqiptare, Florijana Ismaili, është gjetur dje (2 korrik) në fundin e Liqenit Como në Itali.

Futbollistja 24-vjeçare ishte shpallur e zhdukur të shtunën e javës së kaluar pas një aksidenti gjatë hedhjes nga barka, me ç’rast nuk ishte shfaqur më në sipërfaqe të ujit.

Roboti i posaçëm që ishte shfrytëzuar për kërkim nënujor e ka gjetur trupin e saj në thellësi prej 204 metrash.

Pas lajmit se futbollistja shqiptare është gjetur pa shenja jete në liqenin italian, sportistë, organizatat botërore të sportit dhe shumë personalitete të tjera kanë shprehur ngushëllimet e tyre.

Ngushëllime familjes Ismaili dhe klubit Young Boys, i ka shprehur edhe gjiganti italian, Milan.

“Me zemër të thyer kemi marrë lajmin për vdekjen e lojtares së Zvicrës Florijana Ismaili. Ngushëllimet tona janë për familjen, miqtë dhe Young Booys në këto momente pikëllimi”, thuhet në njoftim. /Telegrafi/

It is with a heavy heart that we hear of the passing of Swiss player Florijana Ismaili. Our deepest condolences go to her family, friends and @BSC_YB at this saddest of times.

Rest In Peace 🙏❤ https://t.co/HTfDeu4W4E

— AC Milan (@acmilan) July 3, 2019