Mediat italiane raportojnë se Milani ka marrëveshje verbale për dy mbrojtësit, atë të Schalke 04, Sead Kolasinac dhe të Villarrealit, Mateo Musacchio.
Rossonerët po shtyjnë përpara me marrjen e pronësisë së klubit nga Yonghong Li, që pritet të përfundojë deri në 13 ose 14 prill.
Kjo do të ndezë një epokë të re në klub, duke i dhënë fund mbretërimit 31-vjeçar të Silvio Berlusconit dhe hapjen e perspektivave të reja të transferimeve.
Sipas gazetës Corriere dello Sport, drejtorët e rinj të Milanit kanë arritur marrëveshje verbale me dy mbrojtës për sezonin e ardhshëm, transmeton Telegrafi.
I para është mbrojtësi i anës së majtë i Schalkes, Kolasinac, i cili do të jetë një agjent i lirë në korrik, kur kontrata e tij skadon, dhe për të ka qenë gjithashtu i lidhur edhe Juventusi.
Tjetri është qendërmbrojtësi i Villarrealit, Musacchio, i cili kishte qenë tashmë i afërt me kuqezinjtë në sezonin e fundit dhe është në dispozicion për rreth 15 milionë euro. /Telegrafi/
