Mikel Arteta flet për të ardhmen e Shkodran Mustafit

Trajneri i Arsenalit, Mikel Arteta ka thënë se e ardhmja mbrojtësit shqiptar, Shkodran Mustafit, është te Arsenali, pasi ai nuk mendon ta largojë atë në afatin kalimtar të janarit, pavarësisht nga mungesa e kohës së lojës.

Mustafi ka marrë vetëm 43 minuta në Ligën Premier këtë sezon në tre paraqitje, megjithëse ai ka përfunduar tre ndeshje të plota të Ligës së Evropës, ndërsa në verë pritet të mbetet lojtar i lirë.

Megjithatë, pavarësisht situatës së pasigurt të kontratës së 28-vjeçarit, Arteta këmbëngul që mbrojtësi është ende në planet e tij, me William Saliba që është dërguar në huazim dhe Sokratis Papastathopulos që pritet të lëvizë këtë muaj.

Lexo po ashtu Mustafi i vendosur të qëndrojë te Arsenali deri në verë, këto janë tri skuadrat që janë refuzuar nga shqiptari

“E ardhmja e tij tani është këtu. Do përpiqem ta ndihmoj. Papastathopulos ndoshta do të largohet nga klubi këtë afat kalimtar dhe kemi William që tashmë është huazuar. Pra, nuk kemi kaq shumë zgjedhje tani”, ka thënë fillimisht Arteta.

“Gabriel [Magalhaes] ka qenë jashtë për një periudhë, David Luiz është lënduar, kështu që situata është krejtësisht e ndryshme nga më parë”.

Arteta ka thënë edhe detaje pse Mustafi është paraqitur kaq pak në sezonin 2020-21.

“Mustafi u kthye nga një dëmtim vërtet i vështirë kur u dëmtua në fund të sezonit të kaluar. Pas asaj periudhe ai po bënte me të vërtetë mirë. Unë mendoj se paraqitjet e tij po rriteshin dhe bëheshin gjithnjë e më të mira.”

Lexo po ashtu Mustafi e Sokratis kontaktohen nga Genoa për një transferim në afatin e janarit

“Dhe kur ai u kthyer, atëherë kemi pasur shtatë apo tetë mbrojtës qendrorë. Kështu që ai duhej të ngrinte nivelin e tij të performancës”.

“Mendoj se fizikisht ai ende kishte nevojë për ca kohë. Pastaj ai filloi të luante disa lojëra në Evropë, të cilat mendoj se i bëri mirë gjithashtu”, përfundoi spanjolli. /Telegrafi/