Mijëra njerëz ia mësynë depove të ushqimit në Nigeri për të marrë çka kishte brenda, në kohën kur vendi është pushtuar nga varfëria në veçanti si rezultat i izolimit nga pandemia e coronavirusit.
Qytetarët u filmuan në qytetin Jos, ku mijëra protestues të nervozuar thyen depot duke akuzuar qeverinë se po e fsheh ushqimin prej tyre, transmeton Telegrafi.
Videoja e publikuar më poshtë shfaq turmën duke u ngjitur në kulmin e një depoje, duke thyer kështu dritaret me kornizë të metaltë nga e cila e hidhnin jashtë ushqimin.
Kjo depo në Jos është një nga të shumtat që janë sulmuar në tërë këtë vend të Afrikës. Në anën tjetër, ministrat e këtij vendi kanë deklaruar se rezervat ishin futur në këto depo me qëllim që të ruhen për qytetarët në zonat më të prekura nga COVID-19. /Telegrafi/
