Metaverse, NFT & Web 3.0, debat i organizuar në Innovation Centre Kosovo

Innovation Centre Kosovo (ICK) ka organizuar ngjarjen e fundit për vitin 2021.

Metaverse, NFT (non-fungible token) dhe Web 3.0, janë temat që janë shtjelluar nga komuniteti dhe folësit Agon Avdimetaj (Zombie Soup), Ermal Sadiku (LinkPlus), dhe Valon Canhasi (Hallakate).

Ermal Sadiku tha se tashmë interneti është komplet i kontrolluar.

“Prej një interneti të hapur, tashmë kemi arrit në një internet komplet të kontrolluar. Sot gjithçka është e kontrolluar dhe e centralizuar, edhe financat janë të kontrolluara, janë bankat që i kontrollojnë. Për shkak të këtij centralizimi disa kompani kanë fituar fuqi ekstrem të madhe”, tha Sadiku.

Ndërkaq, Agon Avdimetaj tha se në vitin 2020/21 kanë parë shitje të madhe te NFT.

Termi “metavers” është kryefjala e fundit që ka kapluar imagjinatën e industrisë së teknologjisë – aq shumë sa që njëra ndër platformat më të njohura në internet është riemërtuar, për të sinjalizuar përqafimin e idesë futuriste.

Zuckerberg e ka përshkruar atë si “mjedis virtual” brenda të cilit mund të futeni – në vend se vetëm ta shikoni në një ekran.

Në thelb, është një botë e komuniteteve të pafundme të ndërlidhura në mënyrë virtuale, ku njerëzit mund të takohen, të punojnë dhe të luajnë, duke përdorur pajisje të realitetit virtual, syze të realitetit të shtuar, aplikacione në telefonat e mençur apo pajisje të tjera. /Telegrafi/