Pas shumë ndeshjeve të forta të grupeve, më në fund janë mësuar ekipet të cilat do të përballen në 'play-off' të ESL Pro League.
Shumë përballje të forta për katër javë u zhvilluan në turneun, i cili po mbahet në Dyseldorf të Gjermanisë, ku do të ndahen çmime në vlera rreth 750.000 euro.
Befasia më e madhe ishte ekipi Movistar Riders, të cilët arritën të fitojnë të gjitha ndeshjet në grupin C, duke kryesuar në tabelë.
Një sukses të tillë e arriti edhe ekipi favorit Na’Vi, të cilët fituan të gjitha pesë ndeshjet e tyre në grupin D, edhe pse tri prej tyre i zhvilluan në mungesë të kapitenit Boombl4.
Katër ekipet e para të grupeve kanë siguruar një vend direkt për në çerekfinale, ndërsa tetë ekipe të tjera të cilat renditeshin në vendin e dytë dhe të tretë në grupe do të përballen për një vend në çerekfinale.
Këto tetë ekipe do të përballen ditën e martë dhe të mërkurë, ndërsa çerekfinalet do të luhen ditën e enjte dhe të premte gjatë kësaj jave.
Përballja më e fortë pritet të jetë ajo midis fituesit të turneut të fundit Faze dhe ekipit Players, ku fituesi do të takohet me ekipin e Na’Vi në çerekfinale.
Ndeshjet e raundit të 12
Heroic - Liquid fnatic - ENCE Entropiq - Astralis FaZe – Players
Ndeshjet e çerekfinaleve
NIP me fituesin e ndeshjes Heroic / Liquid Movistar Riders me fituesin e ndeshjes fnatic / ENCE FURIA me fituesin e ndeshjes Entropiq / Astralis Natus Vincere – me fituesin e ndeshjes FaZe / Players
/Telegrafi/
