Mes polemikave për filmin “Don’t Worry Darling” – Harry Styles dhe Olivia Wilde shfaqen duke u puthur me pasion rrugëve të New Yorkut

Harry Styles dhe Olivia Wilde u panë duke u puthur me pasion gjatë një nate romantike në New York të enjten, mes polemikave të vazhdueshme rreth filmit të tyre të ri “Don’t Worry Darling”, i cili do të shfaqet në kinema këtë javë.

Është hera e parë që çifti është parë duke vepruar me dashuri ndaj njëri-tjetrit në publik pas disa javësh që kanë mbajtur distancën e tyre gjatë promovimit të projektit të mbushur me dramë, i cili e shfaq Harryn të luajë përballë aktores kryesore Florence Pugh.

Wilde, 38-vjeçare, është përballur me një dramë rreth filmit, mes raporteve të reja se ajo u grind me Pugh, 26-vjeçare, e cila dyshohet se u zemërua nga marrëdhënia e Wilde me Styles, 28-vjeçar, duke penguar realizimin e filmit.

Kjo vjen gjithashtu teksa drejtoresha vazhdon luftën e kujdestarisë me ish-partnerin Jason Sudeikis, me të cilin ajo ka dy fëmijë; Otis, tetëvjeç, dhe Daisy, pesëvjeçe.

Lexo po ashtu U duk se pështyu Chris Pinen, Harry Styles tallet me spekulimet teksa thotë se kjo ishte arsyeja pse shkoi në Festivalin e Filmit në Venecia

Vajza e Wilde gjithashtu shfaqet në film në një rol të shkurtër.

Me shumë fokus në marrëdhënien romantike të Wilde me Styles, dyshja kanë mbajtur distancën gjatë promovimit të filmit – duke u shfaqur së bashku vetëm në xhirimet e grupit në premiera në Venecia dhe së fundmi në New York.

Megjithatë, çifti duket se janë akoma shumë të dashuruar, teksa vazhduan të shfaqnin këtë edhe në publik.

Ish-ylli i “One Direction” kishte përfunduar 15 shfaqje marramendëse duke performuar në Madison Square Garden.

Harry dhe Olivia po putheshin jashtë teksa po shijonin një takim në prag të publikimit të filmit.

Ata ishin së bashku ndërkohë që dolën nga restoranti dhe Harry hodhi një krah me dashuri mbi supet e të dashurës së tij. /Telegrafi/