Mediat turke shkruajnë për të ardhmen e Visar Bekajt, opsion kampionati turk dhe ai gjerman

Njëri prej portierëve më të mirë që ka prodhuar futbolli kosovar prej vitesh, Visar Bekaj, mund të lë Superligën e Kosovës në afatin kalimtar të verës.

Gardiani prishtinas mund të vazhdojë karrierën në Gjermani apo Turqi, përcjellë Gazeta Olle.

Për të ardhmen e tij kanë shkruar sot (e mërkurë) mediat e njohura turke, si Fanatik apo Haberler.

Lexo po ashtu Formacioni më i mirë në IPKO Superligë për sezonin 2019/2020

“Bekaj, 23-vjecari që luan me Prishtinën në Kosovë, mund të jetë ardhja e re në kampionatin turk”.

“Ai më parë ishte në shënjestër të Besiktasit, por ka mundësi të shkojë edhe në Gjermani te Hoffenheim apo Hamburg”, shkruhet mes tjerash në gazetat turke.

Bekaj ishte pranë kalimit në futbollin gjerman edhe në afatin kalimtar të verës së kaluar, mirëpo operacioni dështoi të realizohet në fund.

Edhe pse shumë i ri, Bekaj ka qenë mes futbollistëve kryesor të Prishtinës në vitet e fundit.

Mbetet të shihet nëse ai do të mund të bëjë hapin e karrierës në këtë afat kalimtar.

Nën fanellën e Prishtinës, Bekaj ka fituar Kupën e Kosovës, por jo edhe titullin kampion.