McGregor pranon dy oferta pas anulimit të trilogjisë me Poirier

Conor McGregor tashmë ka pranuar dy oferta për përballje, pasi njoftoi se ka anuluar trilogjinë me Dustin Poirier në kuadër të UFC 264.

Irlandezi 32-vjeçar pësoi nokaut në raundin e dytë në rimeçin e zhvilluar në janar në UFC 257 dhe më pas kishin arritur një marrëveshje për trilogji.

Poirier akuzoi McGregor se nuk e mbajti fjalën e dhënë për të dhuruar 500,000 dollarë për bamirësi, ‘Good Fight Foundation’, siç ai premtoi përpara luftës së tyre të dytë në Abu Dhabi.

Lexo po ashtu Poirier akuzon McGregorin se ka thyer premtimet e trilogjisë

Por, McGregor nuk rezistoi t’i kundërpërgjigjes dhe i tha amerikanit se po përlyente emrin e tij.

Ndërsa është e paqartë nëse McGregor është serioz me kërcënimin e tij për betejën e trilogjisë që është anuluar, derisa ofertat tani janë rritur.

May 15 and July 10…book it! #backtoback

— Michael Chandler (@MikeChandlerMMA) April 12, 2021

Njëra nga ofertat vije nga luftëtari tjetër i UFC, Michael Chandler, i cili është i etur të hyjë në tetëkëndësh me irlandezin.

34-vjeçari amerikan pritet të ndeshet me Charles Oliveira në UFC 262 më 15 maj për titull në peshën e lehtë.

Lexo po ashtu Trilogjia e shumëpritur mes McGregor dhe Poirier anulohet - në UFC janë të befasuar

Sidoqoftë, Chandler këmbënguli se ai është i gatshëm për luftime të njëpasnjëshme dhe njoftoi për  ​​sfidën e tij ndaj McGregor në mediat sociale.

Kampioni i peshave të lehta Bellator shkroi në Twitter: “15 maj dhe 10 korrik … rezervoni!”

Lemme fit in this bih @TheNotoriousMMA @danawhite I can be ready July 10

— Kevin Lee MTP (@MoTownPhenom) April 12, 2021

Kevin Lee, i cili aktualisht është i 13-ti në renditjen e peshave të lehta UFC, etiketoi si McGregorin ashtu edhe presidentin e UFC, Dana White në postimin e tij në Twitter.

Ashtu si Chandler, 28-vjeçari Lee e bëri të qartë se ai do të ishte “gati” për një luftë me McGregor në UFC 264 më 10 korrik. /Telegrafi/