Mbrojtësi legjendar Ruggeri: Nëse Ramos do të ishte argjentinas, Messi do ta kishte të paktën një Kupë të Botës

Një nga zhgënjimet më të mëdha të Lionel Messi është humbja në finalen e Kupës së Botës në vitin 2014.

Mbrojtësi legjendar argjentinas Oscar Ruggeri beson se ylli i Barcelonës do të kishte atë trofe nëse Sergio Ramosi do të ishte argjentinas.

Ish mbrojtësi i Boca Juniors, i cili luajti 97 ndeshje për Argjentinën, beson se ekipit i mungonte një lojtar me aftësitë e Ramos.

“Argjentina dhe Messi, me Ramosin do të thotë një Kupë Bote. Ai [Ramos] është një përbindësh”.

“Nëse Argjentina do të kishte Ramosin në mbrojtje, ata do të ishin kampionë të botës. Me Messin dhe si ishte, pa dyshim. Ai është një fenomen”.

“Do të doja të kisha një lojtar si Ramos në ekipin tim kombëtar. Nëse do të kishim një lojtar si Ramos sot, do të ishim pretendentë për çdo Kupë të Botës”.

“Ne kishim mbrojtës të mirë qendrorë por jo më të mirët e të gjitha kohërave. Ramos është më i miri. Do të kishte qenë mirë nëse ai do të ishte argjentinas. Ai është më i mirë se unë, numri një. Ai është mbi të gjithë”, ka thënë Ruggeri për ESPN./Telegrafi/