Mbretëria e Bashkuar thërret takimin urgjent të ministrave të shëndetësisë të G7 për të diskutuar rreth variantit Omicron

Ministrat e shëndetësisë nga shtatë demokracitë më të pasura në botë do të mblidhen të hënën për të diskutuar variantin e ri të shqetësimit të coronavirusit, Omicron, njoftoi të dielën qeveria e Mbretërisë së Bashkuar.

Takimi urgjent i G7, i thirrur nga presidenca e Mbretërisë së Bashkuar, do të diskutojë zhvillimet në lidhje me përhapjen e Omicron, tha qeveria në një deklaratë, përcjell Telegrafi.

Afrika e Jugut paralajmëroi botën për Omicron të premten pasi pa një rritje të mprehtë të rasteve gjatë një jave, ndoshta të lidhura me variantin e ri, i cili ka një numër të konsiderueshëm mutacionesh.

Ekziston shqetësimi se këto mutacione do t’i bëjnë vaksinat aktuale më pak efektive.

Ndryshe, vendet e BE-së, si dhe Britania e Madhe, Kanadaja dhe SHBA-ja, kanë kufizuar fluturimet drejt dhe nga shumë vende në Afrikën Jugore.

Por raste të Omicron tashmë janë zbuluar në Evropën kontinentale dhe në Mbretërinë e Bashkuar, me Holandën që raporton të paktën 13 raste nga një fluturim nga Afrika e Jugut.

G7 do të bashkojë ministrat e shëndetësisë nga Kanadaja, Franca, Gjermania, Italia, Japonia, Britania e Madhe dhe Shtetet e Bashkuara. /Telegrafi/