Mbretëresha Letizia sapo është shfaqur me fustanin më të bukur veror për punë

Tashmë jemi duke gjurmuar sajtet me shpresën për ta gjetur këtë fustan

Për takimin me Fondacionin kundër varësisë ndaj drogës, mbretëresha zgjodhi një fustan të bardhë me mëngë të fryra dhe me detaje dantellash mbi bel.

Ajo e kombinoi atë me sallonet Magrit ngjyrë druri dhe me një çantë Carolina Herrera, gjë që edhe një herë konfirmoi se ajo është një shembull i vërtetë i elegancës.

Kjo gamë ngjyrash theksonte në mënyrë të përsosur tenin e saj pak të nxirë, që i dilte në pah edhe më shumë me ‘smokey eyes’ dhe konturet e theksuara, transmeton Telegrafi.

Për sa i përket modelit të flokëve, mbretëresha e Spanjës dallohet nga flokët e saj të drejtë të rrjedhshëm dhe xhufkat me shkëlqim të gështenjtë që ishin zgjedhja e saj dhe për këtë rast.

Fustani është nga koleksioni i vjeshtës 2022 i brendit Massimo Dutti.

Sot, fustane të ngjashme që janë një zgjedhje e shkëlqyer për të shkuar në punë mund të gjenden në koleksionin e markave të tjera më të përballueshme dhe na garantojnë një prekje elegance edhe në ditët e nxehta të verës.

/Telegrafi/