Mbi 10 mijë tifozë të Napolit në Madrid, shqetësime për incidente

Mbi 10 mijë tifozë të Napolit pritet të gjenden në kryeqytetin spanjoll për ndeshjen e Ligës së Kampionëve kundër Real Madridit, ndërsa një prej tyre është edhe legjenda Diego Maradona.

Ndeshja e parë e 1/8 së finales mes këtyre dy skuadrave zhvillohet të mërkurën mbrëma në Santiago Bernabeu.

Vetëm 3.900 bileta janë nxjerrë në shitje për mbështetësit e Partenopei dhe ato janë shitur për pak minuta.

Lexo po ashtu Shkaku i Real Madridit, Hysaj mbetet pa picë

Mirëpo, në Madrid do të udhëtojnë mbi 10 mijë tifozë dhe një numër i madh i tyre kanë gjetur mënyra për të blerë bileta nga seksionet e Real Madridit.

Ky numër i madh tifozësh ka ngritur shqetësime të sigurisë, si në stadium ashtu edhe në qytet, për mundësinë eventuale të përplasjeve mes tifozëve.

Po ashtu, edhe kontingjenti i njerëzve VIP do të jetë i madh. Aty nuk do të mungojë Maradona, i cili do të qëndrojë në të njëjtin hotel me skuadrën.

Aty do të jetë edhe aktori Silvio Orlando (që që fundmi ka luajtur rolin e tifozit të Napolit, kardinalit Voiello, në “The Young Pope”), si edhe regjisori fitues i Oscarit, Paolo Sorrentino. /Telegrafi/