Mbappe paralajmëroi Messin dhe Neymarin, teksa zbuloi gjithashtu se e quajti brazilianin ‘budalla’

Kylian Mbappe e di vetë më shumë se çdokush se ai, Lionel Messi dhe Neymar duhet të punojnë së bashku nëse duan të kenë sukses si një treshe sulmi në Paris Saint-Germain.

Francezi ka pasur vështirësitë e tij këtë sezon, veçanërisht pasi u pa duke kritikuar Neymarin në stol për dështimin e brazilianit për t’ia pasuar topin atij.

“Kur luani me lojtarë të tillë, ju duhet të ndani tortën në mënyrë që të tre të mund të hanë. Nuk mund të thuash që do t’ia pasosh topin njërit dhe jo tjetrit”, ka thënë fillimisht Mbappe për RMC Sport.

“Duhet të jesh i zgjuar. Gjithmonë do të ketë momente zhgënjimi, por i vetmi interes që ne të tre kemi është të bëjmë PSG-në të fitojë”.

Lexo po ashtu “Neymar nuk pason tek unë”, Mbappe kapët nga kamera duke u ankuar në brazilianin

I pyetur më tej për incidentin mes tij dhe Neymar, 22-vjeçari nuk mohoi ta ketë quajtur ‘budalla’, por mohoi të ketë pasur incident.

“Ndodh ndonjëherë. Duhet të kisha menduar më shumë, por nuk pendohem. Mund të duket e çuditshme nga jashtë, por nga brenda ne e dimë se si janë gjërat”.

“Kam respekt të madh për Neymarin si lojtar dhe si person. Tani ka shumë kamera, por ky është futbolli dhe ne nuk kemi probleme”.

Ardhja e Lionel Messit gjithashtu solli raporte se Mbappe ishte i pakënaqur, por ai përsëri i hodhi poshtë ato si të pakuptimta.

“Është shumë e lehtë të luash me Messin, me të vërtetë. Ai me të vërtetë e kupton futbollin, gjithmonë e di se çfarë të bëjë”.

“Nëse ai duhet të driblojë të gjithë dhe të shënojë një gol, ai do ta bëjë atë. Nëse ai duhet të luajë me një prekje, ai do ta bëjë atë. Ai është një nga më të mirët, nëse jo më i miri”.

Mbappe do të jetë në dispozicion për të folur me klubet nga 1 janari përpara një transferimi falas verën e ardhshme. Megjithatë, me gjithë komentet e tij të fundit, largimi i tij nga Parc des Princes nuk është i sigurt.

Lexo po ashtu Mbappe i tregon më në fund prapaskenat e kësaj vere mes tij dhe PSG-së - a mund të ndodhë largimi nga Parku i Princave?

“Kam mësuar një gjë. E vërteta e djeshme nuk është e sotme ose e së nesërmes. Unë doja të largohesha gjatë verës.

“Nuk dua të mërzit njerëzit, është e lodhshme. Por, unë tashmë kam thënë se ju kurrë nuk e dini se çfarë mund të ndodhë në futboll. Gjashtë muaj më parë, nuk e dija që doja të largohesha. Vendosa në verë dhe që atëherë nuk jam kontaktuar për një rinovim”, përfundoi sulmuesi francez. /Telegrafi/