Mbahet finalja e “Dance With Me” me regjistrim, megjithëse pritet të votojë publiku! (Foto/Video)

Një nga spektaklet më të ndjekura në Shqipëri, “Dance with me”, ka qenë kryetemë në mediat shqiptare këto ditë.

Nata finale e paraparë të mbahej këtë javë, nuk u zhvillua kjo për shkak të ngjarjeve politike në ditën e hënë, të cilat priteshin të diskutoheshin në “Opinion” të Blendi Fevziut.

https://www.instagram.com/p/Bc2q7h-gXV9

Prezantuesja e programit, Alketa Vejsiu, lajmëroi fansat përmes një postimi në Instagram se finalja është shtyrë për javën tjetër, dhe se do të transmetohej për publikun më datë 25 dhjetor.

Megjithëse ishte thënë të ndodhte kështu, mesa duket ngjarjet kanë vijuar ndryshe.

Kështu të paktën kanë bërë me dije disa prej konkurrentëve dhe mediave në Shqipëri, të cilët kanë treguar se finalja është mbajtur këtë javë, dhe fitues janë shpallur Xhensila dhe Trim Jetullahu.

https://www.instagram.com/p/Bc4rPkLACk3/

Megjithëse në regjistrim thuhet se fituesi shpallet me votat e publikut, kjo gjë duket të mos ketë kuptim, pasi finalja ka ndodhur, dhe maksimumi i publikut që mund të kenë votuar, janë ata që gjendeshin në sallë.

E hëna e javës së ardhshme do e tregojë më së miri se si dhe çfarë ka ndodhur, megjithatë videot dhe fotografitë që kanë qarkulluar në rrjetin social Instagram, kanë sjell momentin kur çifti Xhensila dhe Trim shpalleshin fitues. /Telegrafi/

https://www.instagram.com/p/Bc0EQg1AEnz/