Max Verstappen merr fitoren e dhjetë me radhë, shkruan historinë në Formula 1

Në Çmimin e Madh të Italisë në e Monza, fitoi Max Verstappen duke regjistruar fitoren e dhjetë radhazi në botën e Formula 1.

Ky është një rekord unik për holandezin pasi askush më parë nuk kishte mundur të regjistronte kaq fitore të njëpasnjëshme.

Dy herë Kampioni i Botës e nisi nga vendi i dytë garën, teksa Carlos Sainz ishte i pari.

Max: Sets dominant, all-time Formula 1 record
Also Max: "Not too bad!" 😅

Another record to add to the @Max33Verstappen collection, with victory in Monza#ItalianGP #F1 pic.twitter.com/rZLikpbMfK

— Formula 1 (@F1) September 3, 2023

Megjithatë, spanjolli u detyrua të dorëzohej në xhiron e 15-të, kur Verstappen e parakaloi pavarësisht se piloti i Ferrarit rezistoi jo pak.

Në vijim, Sainz e humbi pozicionin edhe ndaj Sergio Perez i cili e mbylli garën në vendin e dytë.

"I CAN'T HEAR YOU!"@Carlossainz55 pumps up the adoring Tifosi after his run to third ❤️#ItalianGP #F1 pic.twitter.com/4e4RD1ushv

— Formula 1 (@F1) September 3, 2023

Megjithatë, në fundin e garës piloti spanjoll luftoi shumë dhe ia doli të siguronte vendin e tretë duke lënë jashtë podium shokun e skuadrës, Charles Leclerc, i cili u detyrua të kënaqej me vendin e katërt.

Nga ana tjetër, dyshja e Mercedes e mbylli në vend të pestë dhe të gjashtë, teksa Russell u rendit para Hamilton.

Ndërkohë, në zonën e pikëve u renditen Albon, Norris, Alonso dhe Bottas.

🏁 CLASSIFICATION (LAP 51/51) 🏁

A classic in Monza, and here's how we crossed the line 👇#ItalianGP #F1 pic.twitter.com/NxmRPjoD5C

— Formula 1 (@F1) September 3, 2023

Pas kësaj fitoreje, Verstappen bëhet edhe më i pakapshëm në krye të renditjes dhe titulli i tretë botëror mbetet vetëm një formalitet për holandezin. /Telegrafi/

TEN OUT OF TEN! @Max33Verstappen makes history at Monza by winning an incredible TENTH race in a row, a new F1 record!#ItalianGP #F1 @redbullracing pic.twitter.com/e6ktbYYMAb

— Formula 1 (@F1) September 3, 2023