Max Verstappen e mbyll me fitore sezonin që e dominoi nga fillimi deri në fund dhe theu shumë rekorde

Me Çmimin e Madh të Abu Dhabi në pistën e Yas Marina, është mbyllur vitit 2023 në Formula 1.

Kampioni i shpallur prej disa javësh, Max Verstappen dominoi edhe në garën e fundit të sezonit duke triumfuar në Lindjen e Mesme dhe duke koleksionuar triumfin e 19 sezonal nga 22 gara në total.

Një dominim total i holandezit dhe RedBullit që mbyllin kështu një tjetër vit mjaft të suksesshëm.

Ndërkohë, sa i takon garës, Charles Leclerc e mbylli në vendin e dytë. Megjithatë, ky sukses i pilotit nuk i mjaftoi Ferrarit që ta mbyllte në vendin e dytë garën për konstruktorë.

Një pozicion që në fund i përket Mercedesit teksa në pistën e Yas Marina, dy pilotët e skuderisë gjermane, Russell dhe Hamilton e mbyllën garën respektivisht në vend të tretë dhe nëntë.

Verstappen 575 pikë

Perez 285

Hamilton 234

Alonso 206

Leclerc 206

Norris 205

Sainz 200

Russell 175

Piastri 97

Red Bull 860 pikë

Mercedes 409

Ferrari 406

McLaren 302

Aston Martin 280

Alpine 120

Williams 28

/Telegrafi/