Matoshi: LDK dhe GDP mund t’i bashkangjiten qeverisë Haradinaj

Këshilltari politik i kryeministrit të Kosovës, Halil Matoshi ka folur në për daljen e Listës Serbe nga koalicioni qeverisës dhe mundësisë që këtij koalicioni t’i bashkohen disa parti tjera.

Matoshi nuk e përjashtojë mundësinë që koalicionit t’i bashkohen LDK-ja dhe GDP.

“Që nga shpallja e Pavarësisë së Kosovës e deri me sot nuk e kemi një situatë të ngjashme , kanë ndryshuar rrethanat dhe me ndryshim e rrethanave ndryshojnë edhe kontekstet mund të ndryshojnë edhe raportet e forcave brenda shoqërisë kosovare dhe nuk është hiç çudi dhe diçka e jashtëzakonshme që LDK dhe GDP mund t’i bashkangjiten qeverisjes”, tha Matoshi, në emisionin “Click” në RTV21.

Këshilltari politik tutje tha se nëse këto dy parti bashkohen më koalicionin atëherë krijohet një shumicë shqiptare në qeverisje dhe kështu kompensohet kolaterali që mund t’ia shkaktojë dalja eventuale e Listës Serbe nga koalicioni.

Lexo po ashtu Ekskluzive: Haradinaj po bisedon me LDK dhe GDP, përjashton PDK-në (Video)

Matoshi në fund tha se ende nuk iu kanë bërë ofertë këtyre dy partive që t’i bashkohen koalicionit qeverisës mirëpo nuk përjashtohet kjo mundësi.

Ndryshe Lista Serbe ka marr vendim të mos jetë më pjesë e qeverisë Haradinaj.

Ky vendim i tyre ka ardhur si pasojë e zhvillimet të djeshme në veri të vendit ku u arrestua drejtori i të ashtuquajturës Zyra për Kosovën, Marko Gjuriq, nga Policia e Kosovës.