Policia arrestoi tetë meshkuj dhe gjashtë femra në një qendër të thirrjeve në Prishtinë, ndër ta një izraelit

Në një qendër të thirrjeve janë arrestuar 14 persona, një shtetas izraelit dhe 14 shtetas të Kosovës (shtatë meshkuj dhe gjashtë femra), nën dyshimin e bazuar se përmes komunikimeve telefonike kanë arrit të mashtrojnë persona të ndryshëm në vende të ndryshme.

Sipas raportit të Policisë së Kosovës, rasti ka ndodhur të martën rreth orës 14:00, në Prishtinë.

Tutje sipas raportit si prova materiale janë sekuestruar dy vetura, 167 kompjuter, 3 laptop, 21 telefona mobil, 2 DVR, 2 HDD, 2 USB dhe dokumentacione të ndryshme.

“Në një qendër të thirrjeve janë arrestuar një mashkull shtetas Izraelit, shtatë meshkuj  kosovar dhe gjashtë femra  kosovare, nën dyshimin e bazuar se përmes komunikimeve telefonike kanë arrit të mashtrojnë persona të ndryshëm në vende të ndryshme. Si prova material janë sekuestruar dy vetura, 167 kompjuter, 3 laptop, 21 telefona mobil, 2 DVR, 2 HDD, 2 USB dhe dokumentacion të ndryshme”, thuhet në raport.

Ndërkaq, me vendim të prokurorit, të dyshuarit janë dërguar në mbajtje. /Telegrafi/