Marotta flet për rikthimin e Contes në Serie A dhe nënshkrimin e Bellingham

Beppe Marotta mendon se shumë klube të Serie A kanë nevojë për Antonio Contem dhe zbulon se do të merrte Jude Bellingham nëse do të kishte një buxhet të pakufizuar transferimi.

Drejtori ekzekutiv i Interit ka ndërtuar një lidhje të fortë me Conten gjatë viteve, pasi ka fituar katër tituj të Serie A me italianin në krye. Tre herë te Juventusi dhe një herë te Interi.

Conte është aktualisht pa një klub dhe është menduar të kthehet në Itali, me Milanin dhe Napolin që thuhet se janë të interesuar për të siguruar nënshkrimin e tij në sezonin 2024/2025.

Lexo po ashtu Conte pranon të marrë detyrën e trajnerit të Milanit

“Tani për tani, Antonio Conte është një burim që do t’i duhej shumë klubeve”, ka thënë fillimisht Marotta gjatë një interviste me DAZN.

“Shpresoj që ai të kthehet në Serie A, por duhet të përmend Simone Inzaghi, ai po përmirësohet shumë si trajner, njerëzisht dhe profesionalisht. Po flasim për një mjeshtër që meriton një meritë të madhe për këto vite fitoresh”.

“Cikli i ri filloi me Luciano Spallettin dhe vazhdoi me Conten, me një grup që ka mbajtur të njëjtin mentalitet fitues. Inzaghi mbërriti me zemërbutësinë e tij, duke krijuar një ambient të këndshëm dhe një raport të madh me lojtarët. Ka merita të Conte, Spalletti dhe Inzaghi. Ka një atmosferë pozitive në dhomën e zhveshjes, e cila nuk shkaktohet vetëm nga rezultatet”.

Lexo po ashtu Marotta flet për nënshkrimin e ardhshëm falas të Interit, Lautaron dhe Barellan

Marotta gjithashtu konfirmoi se Interi është në bisedime me mesfushorin e Napolit, Piotr Zielinski , i cili mund t’i bashkohet Nerazzurrëve në një transferim të lirë verën e ardhshme.

Kur u pyet se kë do të nënshkruante me një buxhet të pakufizuar transferimi, Marotta dha një përgjigje të madhe.

“Ka shumë, por duhet të them një gjë: është shumë më e vështirë kur ke shumë para në dispozicion; kur nuk ke, duhet të gjesh mundësi. Unë do të thosha Bellingham vetëm sepse ai më argëton, por nuk dua të përmend askënd”, përfundoi drejtori i Interit. /Telegrafi/