Marotta e do njërin mes Allegrit dhe Contes te Interi

Drejtori i Interit, Beppe Marotta po konsideron trajnerët Antonio Conte ose Massimiliano Allegrin për sezonin e ardhshëm.

Sipas gazetës Tuttusport, Luciano Spalletti do të zëvendësohet gjatë verës dhe Marotta po kërkon opsione te klubin e tij i vjetër, Juventusi.

Conte është lidhur me stolin e Interit disa herë që nga përvoja e tij e keqe në Chelsea, ndërsa Roma është gjithashtu e interesuar në shërbimet e tij.

Lexo po ashtu Zidane te Juventusi, Allegri te Interi?

Burime të shumëfishta gjithashtu kanë theksuar së fundmi se ky është sezoni i fundit i Allegrit te Juventusi, pavarësisht rezultateve në Ligën e Kampionëve.

Tuttosport pretendon se Interi mund të hapë dyert e tij për Allegrin për një sfidë të re, edhe pse do të ishte një surprizë e madhe për trajnerin që të kalonte te rivalët e Juventusit.

Do të ishte gjithashtu edhe një çështje tjetër për shkak se Allegri ka punuar për disa vite te rivalët tjerë të Interit, Milanin.

Nëse Allegri largohet nga Juventusi, ai pritet të ketë interesim edhe nga klubet jashtë vendit, si Manchester Unitedi dhe Real Madridi.

Lexo po ashtu Juventusi ka tre kandidatë për të zëvendësuar Allegrin

Ndërkohë, mediumit tjetër Corriere dello Sport pohon se Zinedine Zidane nuk është e vetmja mundësi për të zëvendësuar Allegrin në Juve sezonin e ardhshëm.

Kjo gazetë sugjeron një rikthim të Contes, i cili ishte larguar në vitin 2014 nga Zonja e Vjetër. /Telegrafi/