Mariah Carey paditet edhe nga vëllai për shpifje në librin “The Meaning of Mariah Carey”

Vëllai i madh i Mariah Carey është duke e paditur yllin për shpifje dhe shqetësime emocionale të shkaktuara nga kujtimet e saj të fundit që ka shënuar në librin, “The Meaning Of Mariah Carey”.

Morgan Carey, i cili në këtë rast është i dëmtuar, thotë se libri sugjeron në mënyrë të gabuar se ai ishte i dhunshëm.

Si rezultat ka pësuar ‘ankth ekstrem mendor’ dhe ‘dëmtim serioz të reputacionit të tij’, thotë çështja e tij ligjore.

Reagimet vijnë një muaj pasi motra e Mariah e paditi atë për 1.25 milion dollarë mbi këto kujtime. Alison Carey u shpreh se pretendimet e Mariah kishin për qëllim ta ‘poshtëronin dhe ta turpëronin’ atë.

Ajo i mohoi pretendimet, duke thënë se këngëtarja ‘nuk kishte paraqitur asnjë provë për të mbështetur këto akuza serioze’.

Autobiografia e 51 vjeçares u botua shtatorin e kaluar dhe kryesoi listën me ‘librin më të shitur’ në tetor.

Ai përmban shumë zbulime në lidhje me jetën e saj, duke përfshirë edukimin e vështirë, jofunksional, racizmin që hasi si fëmijë dhe pretendimet e ndryshme rreth martesës.

Morgan Carey, i lindur në 1960, thotë se artistja amerikane ka dëmtuar reputacionin e tij duke shkruar për një ‘luftë të egër’ të pretenduar me babanë e tij që ndodhi kur ajo ishte një vajzë e vogël.

Të pandehurit e tjerë të përmendur në këtë çështje përfshijnë bashkëautorin e librit, Michaela Angela Davis, botuesin e tij Macmillan dhe shtypjen e Andy Cohen Books. /Telegrafi/