Marcos Alonso dhe Bernardo Silva duhet të presin, Barcelona ka primare një gjë tjetër

Barcelona ka hequr këmbën nga gazi në tregun e transferimeve, pasi nënshkrime që janë në ardhje, nuk janë prioriteti i tyre aktual.

Lojtarët që janë tashmë në skuadër duhet të regjistrohen në mënyrë që ata të mund të fillojnë garën në ndeshjen e parë kundër Rayo Vallecanos.

Klubi nuk ka harruar për dy lojtarët e tjerë që i ka afër transferimit (Marcos Alonso dhe Bernardo Silva), por ata duhet t’i japin përparësi çështjeve aktuale.

Gjëja urgjente te Barcelona janë lojtarë që janë tashmë në klub, të cilët kanë përfunduar parasezonin dhe që, natyrisht, po marrin rrogën e tyre.

Ata nuk kanë ardhur në Barcelonë për të luajtur miqësore. Ata duan ta bëjnë diferencën në garat zyrtare dhe duhet ta bëjnë që nga dita e parë.

Teorikisht, pas levës së katërt ekonomike dhe dy rregullimeve të pagave që kanë në dorë Sergio Busquets dhe Gerard Pique, duhet të mjaftojë.

Fakti është se data e regjistrimit po afron dhe çështja ende nuk është zgjidhur. Edhe pse klubi është i qetë, nuk është për t’u habitur që tifozët kanë filluar të jenë nervozë për situatën.

Klubi shpreson të shpallë regjistrimin e të gjithë lojtarëve, pasi më pak se kaq do të tregonte se ka një krizë të madhe brenda “Camp Nou”.

Nënshkrimet në pritje

Pasi të zgjidhet kjo situatë, Barcelona do të shkojë për dy blerjet e tjera që ka në mendje.

Marcos Alonso tashmë ka marrë miratimin e të gjitha palëve dhe pret vetëm dritën e gjelbër.

Ndërkohë një marrëveshje për Bernardo Silva duket afër, por ende ka nevojë për një shtytje nga gjigantët katalanas. /Telegrafi/