Marcelo beson se ish-ylli i Barcelonës, Neymar përfundimisht do të bashkohet me Real Madridin një ditë.
Neymar përfundoi transferimin e tij prej 222 milionë euro në Paris Saint-Germain nga Barcelona vetëm në gushtin e vitit të kaluar.
Por, ylli brazilian ka vazhduar të lidhet me një rikthim sensacional në La Liga, por kësaj radhe te rivalët e urryer te Barçës, Real Madridi.
I fundit që ka folur për këtë temë është mbrojtësi brazilian i Realit, Marcelo, i cili ka theksuar se Neymar një ditë do transferohet në Santiago Bernabeu.
Marcelo dhe Neymar janë shokë të mirë te kombëtarja e Brazilit (Getty Images)
"Mendoj se Neymar do të luajë për Real Madridin një ditë", ka thënë fillimisht Marcelo për Esporte Interimes përpara ndeshjes së Madridit ndaj PSG-së në Ligën e Kampionëve të mërkurën.
"A do të ishte Neymar i përshtatshëm në Real Madrid? Ai do të përshtatej, sigurisht".
"Do të ishte mirë nëse ai do të vinte në Real Madrid".
"Sipas mendimit tim lojtarët e mëdhenj duhet të luajnë në këtë klub", përfundoi braziliani. /Telegrafi/
