Marcelo mund të vazhdoj karrierën në MLS

Mbrojtësi brazilian, Marcelo ka një ofertë për ta vazhduar karrierën në elitën e futbollit amerikan MLS.

Pas 14 viteve të kaluara te Real Madridi, e ardhmja e Marcelos nuk është e sigurt në Santiago Bernabeu.

32-vjeçari ka humbur vendin e titullarit dhe nuk po përdoret shumë nga trajneri Zinedine Zidane, që preferon Mendyn para tij.

Braziliani mund ta vazhdoj karrierën në MLS te Inter Miami që i ka bërë një ofertë.

Skuadra që ka pronar legjendën angleze David Beckham i ka ofruar kontratë tri vjeçare, por që ende nuk ka marrë përgjigje definitive nga braziliani.

Anësori këtë edicion ka zhvilluar vetëm 14 ndeshje me Realin, ku nuk ka shënuar asnjë gol, por ka asituar në katër të tillë për bashkëlojtarët.

Transferimi i tij në MLS mund të ndodh vetëm nëse braziliani shkëput kontratën me marrëveshje me Realin, pasi ajo është valide deri në qershor të vitti 2022.

Vlen të theksohet se Inter Miami po drejtohet nga ish-futbollisti anglez Phil Neville, derisa në radhët e veta kjo skuadër ka emra të njohur si Gonzalo Higuain, Ryan Shawcross, Blaise Matuidi apo Rodolfo Pizarro. /Telegrafi/