Maqedoni, javën e kaluar 134 të sëmurë nga fruthi

Javën e kaluar gjithsej 134 pacientë të rinj janë regjistruar me sëmundjen e fruthit, që është numri më i lartë i regjistruar që nga shpallja e epidemisë në nivel të shtetit.

Nga numri i fundit që janë regjistruar me fruth, 48 janë nga Shkupi, ndërsa të tjerët 86 janë nga dhjetë qytete tjera, me çka numri i përgjithshëm i qyteteve të përfshira është 22, përcjell Telegrafi Maqedoni.

Siç informoi Gordana Kuzmanovska nga Instituti për Shëndet Publik, numri i përgjithshëm i të regjistruarve nga fillimi i epidemisë, është në rritje të vazhdueshme dhe numri i fundit është 1.524.

Numri më i madh i të regjistruarve janë persona të moshuar mbi moshën 30-vjeçare. Thuajse gjysma nga të gjithë të regjistruarit janë persona të moshuar.

“Lidhur me statusin e vaksinimit nga të gjithë të sëmurit në nivel javor, 70 për qind janë të pavaksinuar, me status të panjohur ose jo tërësisht të vaksinuar”, thotë Kuzmanovska.

Deri tani, numri i fëmijëve të vaksinuar deri në moshën 14-vjeçare nga fillimi fushatës është 25.808./Telegrafi/