Manoleva: Është dakorduar që në vend të dy të funksionojë një sallë e operacioneve, por me dy turne

Zv. ministrja e Shëndetësisë, Maja Manoleva, tha se mëngjesin e sotëm është takuar me drejtorët e të gjitha klinikave kirurgjikale, për të parë se si ka filluar zgjidhja kalimtare për tejkalimin e problemit të furnizimit me gaz të kompresuar nga stacioni qendror i kompresorit.

“Ditën e premte u ra dakord që klinikat kirurgjikale të nisin punën si për pacientët e urgjencës ashtu edhe për pacientët elektivë, të cilët janë në pritje të ndërhyrjeve me kompresorë dhe me ajër të kompresuar, të cilat duhet të ishin dorëzuar nga “Shërbimet e përbashkëta” gjatë ditës së djeshme. Por ato nuk u dorëzuan.

Problemi është tejkaluar dhe gjatë ditës së sotme të njëjtat mjete me ajër të komprometuar me rregullatorë përkatës do të dorëzohen në secilën prej klinikave.

Biseduam edhe për organizimin e punës së klinikave kirurgjikale. Domethënë, me urdhrin që kanë marrë dje klinikat kirurgjikale, janë ngarkuar me organizimin e punës në dy turne, e gjitha me qëllim të zgjatjes së periudhës së ndërhyrjeve në një sallë, sepse kemi një numër të kufizuar të kompresorëve të jashtëm që mund të përdoren nga sallat e operacionit”, sqaroi Manoleva.

Siç tha ajo, është rënë dakord, për shembull, që të funksionojë një në vend të dy sallave operative, por me dy turne, që praktikisht do të merrte kapacitetin pothuajse të mjaftueshëm të sallave kirurgjikale./Telegrafi/