Monaco mund të mbetet pa një tjetër titullar shumë të rëndësishëm pas largimit të Benoit Badiashile në drejtim të Chelseat.
Qendërmbrojtësi tjetër francez, Axel Disasi është lojtari i radhës që mund të largohet nga Monaco gjatë janarit, pasi tanimë dy gjigantët evropianë Bayern Munich dhe Manchester United janë vënë pas tij.
24-vjeçari ka dy vite që shkëlqen me fanellën e Monacos, derisa mori pjesë edhe në Kampionatin Botërin me Përfaqësuesen e Francës.
Ai këtë edicion ka pasur paraqitje shumë të mira me bardhekuqtë ku në 25 ndeshje zyrtare ka shënuar edhe tre gola e ka asistuar në katër të tjerë.
RMC Sport ka raportuar se Bayern Munich dhe Manchester United janë vënë në ndjekje të francezit të ri dhe duan transferimin e tij.
Monaco e kishte transferuar Disasin për 13 milionë euro, teksa për ta lënë tani të lirë synon të përfitojë 50 milionë euro nga largimi i tij. /Telegrafi/
