Mançevski: Do të shfuqizohen kartelat shëndetësore

Sistemi elektronik i kartave shëndetësore nuk po funksionon dhe do të shfuqizohet, ndërsa qytetarët do të kenë një mundësi të unifikuar për një identifikim të tillë duke përdorur teknologjinë, tha ministri Damjan Mançevski në një debat publik për dixhitalizimin në Tetovë.

“Teknologjia ka përparuar që të ketë një mënyrë të ligjshme dhe të sigurt për ruajtjen e të dhënave në pajisjet mobile, në mënyrë që të mos ketë një plastikë të veçantë për letërnjoftim ose kartë shëndetësore. Shkojmë në integrimin e dokumenteve. Nëpërmes pajisjeve të celularëve duhet të adaptojnë sistemin. Unë mendoj se do të bëhemi një vend udhëheqës në Evropë”, tha Mançevski.

Nga 1500 shërbimet ekzistuese, 800 janë tashmë të disponueshme në uslugi.gov.mk. Pjesa tjetër pritet të shtohet në muajt e ardhshëm.

“Dëshirojmë të arrijmë situatën ideale, që të gjitha institucionet të anëtarësohen në Regjistrin Qendror të Popullsisë, i cili do të marrë ca kohë dhe do të duhet të ndryshojë proceset”, tha Mançevski./Telegrafi/