Man Utd etiketon dy mesfushorë si pasues të mundshëm të Pogbas

Manchester Unitedi është bërë skuadra e fundit që lidhet me mesfushorin e Milanit, Franck Kessie, ndërsa po monitoron edhe Tanguy Ndombele të Tottenham Hotspur.

Pogba aktualisht nuk është në negociata me Unitedin për rinovimin e kontratës, me marrëveshjen e tij që përfundon në verën e vitit 2022.

Thuhet se Djajtë e Kuq po fillojnë të shikojnë opsionet e tjera të mesfushës në rast se Paul Pogba vendos të mos nënshkruajë një kontratë të re.

Lexo po ashtu Ende nuk ka rinovuar me Manchesterin, Pogba në shënjestër të skuadrave të mëdha

Sipas mediumit italian Calciomercato, Unitedi po monitoron situatën e yllit të Milanit, Kessie, si dhe mesfushorin e Tottenham, Ndombele.

Reprezentuesi i Bregut të Fildishtë, Kessie do të bëhet një lojtar i lirë në fund të këtij sezoni, edhe pse ai është në bisedime me Milanin për një marrëveshje të re.

Tottenham, Chelsea, Liverpool, Paris Saint-Germain dhe Arsenali janë lidhur të gjithë me Kessie, por Djajtë e Kuq duna të jenë konkurrent i fortë.

Ndombele është një opsion më i lirë dhe më i lehtë, por nuk bind edhe aq shumë për nga cilësia, pasi ka luajtur vetëm një herë për Spurs këtë sezon. /Telegrafi/

pogba