Man City ndryshon kushtet, marrëveshja e Barcelonës për Cancelon rrezikon të dështojë

Barcelona dhe Manchester City ka të ngjarë të negociojnë për Joao Cancelon, duke pasur parasysh se një lëvizje në skuadrën katalunase i përshtatet të gjitha palëve në këtë fazë. Megjithatë, nëse ata mund të bien dakord për kushtet është një çështje tjetër.

Është raportuar se Barcelona ishte afër transferimit në huazim me opsion blerje për Cancelon, për 35 milionë euro.

Megjithatë, sipas gazetës Sport, ata janë të gatshëm të shkojnë deri në 25 milionë euro që të përfshihet ky opsion, por që City po kërkon 45 milionë euro.

Lexo po ashtu Barcelona afër marrëveshjes me Man Cityn për Cancelon

Nëse kjo nuk do të ishte e mjaftueshme, ESPN pretendon se kërkesat e Cityt janë akoma më të larta. Ata thonë se ngurrojnë të lejojnë që Cancelo të largohet pa një zgjidhje të përhershme dhe do të kërkojnë një huazim me detyrim blerje prej 60 milionë euro – një marrëveshje që ka të ngjarë të jetë larg mundësive të tyre.

E përditshmja katalunase vazhdon të thotë se agjenti Jorge Mendes i ka premtuar Barcelonës se do ta sigurojë operacionin me një çmim të volitshëm për ta. Ata do të takohen sërish me Mendes sot (e martë).

? Manchester City will demand €60M for Cancelo as an obligation to buy clause in his loan move to Barça. @espn pic.twitter.com/SYawvKz9pL

— barcacentre (@barcacentre) August 15, 2023

Me të dyja palët aq larg njëra-tjetrës, duket e ndërlikuar që ata të takohen në mes. Vlen të kujtohet se opsioni i blerjes së Cancelos për Bayern Munich sezonin e kaluar ishte vendosur në 70 milionë euro.

Mund të përfundojë që Cancelo, nëse nuk vjen asnjë ofertë tjetër, të transferohet te Barcelona me një marrëveshje të thjeshtë huazimi pa opsione blerje, pasi kjo të paktën do të ishte e përballueshme për Blaugranët. /Telegrafi/