Man City bënë goditjen e parë, ia rrëmben nga duart objektivin Barcelonës dhe Manchester Unitedit

Manchester City ka bërë goditjen e parë në afatin kalimtar veror për këtë vit.

Kampioni në fuqi i Anglisë ka transferuar portierin e talentuar holandez Mikki van Sas nga Utrecht.

16-vjeçari i talentuar ka zgjedhur Manchester Cityn duke injoruar ofertat e Barcelonës dhe rivalëve lokal të Cityt, Man Utd.

Van Sas është një portier i talentuar dhe në Holandë e konsiderojnë atë me legjendën Edwin Va nder Sar.

Ka qenë drejtori teknik i klubit holandez Utrecht, Jordy Zuidam që ka konfirmuar kalimin e Van Sas te kampioni në fuqi i Anglisë.

“Ne si klub i themi lamtumirë Mikkit me ndjenja të përziera. Ndjejmë keqardhje që Mikki, një portier tepër i talentuar largohet nga akademia jonë”.

“Sigurisht që do të donim që ai të luante në ekipin e parë, pasi për atë e kemi stërvitur, por ai ka marrë një vendim që t’i bashkohet Manchester Cityt nga 1 korriku dhe ne do ta respektojmë atë”, ka deklaruar Jordy Zuidam.

Tutje drejtori teknik ka deklaruar se kanë arritur marrëveshje me Cityn për transferimin e portierit, por pa zbuluar detajet e këtij transferimi.

“Ky transferim konfirmon nivelin e ngritur në akademinë tonë. Ne kemi një marrëveshje me Cityn dhe nga ky transferim të gjitha palët janë të kënaqur”, ka përfunduar drejtori teknik i klubit holandez Jordy Zuidam. /Telegrafi/